نیتوں کا حال تو صرف اللہ تعالیٰ کی پاک ذات جانتی ہے لیکن بزرگوں کا کہنا ہے کہ بری نیت انسان میں خوف پیدا کر دیتی ہے اور خوفزدہ انسان اکثر اوقات غلط فیصلے کر ڈالتے ہیں۔ اگر حکمران خوفزدہ ہو جائیں تو ان کے غلط فیصلوں کی سزا پوری قوم کو بھگتنی پڑ جاتی ہے۔ اکثر حکمران اپنے غلط فیصلوں کو آئین کے عین مطابق قرار دیتے ہیں لیکن نیت کی خرابی کے باعث درست آئینی فیصلے بھی منفی سیاسی نتائج کو جنم دیتے ہیں۔ نواز شریف حکومت کی طرف سے اسلام آباد میں فوج کو بلانا آئینی لحاظ سے ایک درست فیصلہ ہے لیکن عام تاثر یہ ہے کہ آئین کی دفعہ 245 کے تحت فوج کو بلانا ایک غلط سیاسی فیصلہ ہے۔ اپوزیشن جماعتوں کا خیال ہے کہ حکومت فوج کے ذریعہ 14 اگست کو اسلام آباد میں عمران خان کے آزادی مارچ کو روکنا چاہتی ہے ۔ حکومت کے وزرا کا دعویٰ ہے کہ فوج کو بلانے کا فیصلہ عمران خان کے آزادی مارچ کے اعلان سے بہت پہلے کر لیا گیا تھا اور یہ کہ فوج کو بلانے کا اصل مقصد وفاقی دارالحکومت کو 

دہشت گردی سے محفوظ رکھنا ہے۔

سوال یہ پیدا ہوتا ہے کہ اگر فوج کو بلانے کا اصل مقصد دہشت گردی کے خطرات

 سے نمٹنا ہے تو پارلیمینٹ کو اعتماد میں کیوں نہ لیا گیا؟ وہ جماعتیں جو شمالی وزیرستان میں فوجی آپریشن کی حمایت کر رہی ہیں انہیں اسلام آباد میں فوج بلانے کا فیصلہ غلط کیوں نظر آ رہا ہے؟ اس فیصلے کی مخالفت کرنے والے فوج کو غلط نہیں کہہ رہے بلکہ فوج کو بلانے والوں کی نیت پر شک کر رہے ہیں۔ کچھ آئینی ماہرین یہ بھی یاد دلا رہے ہیں کہ ذوالفقار علی بھٹو کی حکومت نے 1977ء میں پاکستان قومی اتحاد کی تحریک کے دوران ساتویں آئینی ترمیم کے ذریعہ دفعہ 245 میں یہ شق شامل کی کہ بیرونی جارحیت یا جنگ کے خطرے کے دوران وفاقی حکومت سول انتظامیہ کی مدد کیلئے فوج کو طلب کر سکتی ہے ۔ یہ آئینی ترمیم 21 اپریل کو منظور ہوئی اور چند دن کے بعد لاہور میں قومی اتحاد کے جلوسوں کو روکنے کیلئے فوج کو طلب کر لیا گیا ۔ قومی اتحاد کی طرف سے انتخابات میں دھاندلی کیخلاف تحریک چلائی جا رہی تھی ۔25 اپریل 1977ء کو قومی اتحاد میں شامل ایک جماعت کے سربراہ ایئر مارشل ریٹائرڈ اصغر خان نے ایک خط جاری کیا جس میں فوجی افسران کو مخاطب کرتے ہوئے کہا کہ بھٹو حکومت نے الیکشن میں دھاندلی کی ہے لہٰذا ایک غیر قانونی حکومت کی حفاظت کرنا فوج پر لازم نہیں۔ پھر جب لاہور میں ایک جلوس روکنے کیلئے فوج کو فائرنگ کا حکم دیا گیا تو فوجی افسران نے فائرنگ سے انکار کر دیا۔ اس بحران کا نتیجہ مارشل لا کی صورت میں نکلا اور یہی وہ مارشل لا تھا جس کے منفی نتائج آج بھی بھگتے جا رہے ہیں۔

1977ء میں دفعہ 245 کے تحت فوج کو بلانا آئینی طور پر درست فیصلہ تھا لیکن اس درست آئینی فیصلے کے سیاسی نتائج غلط تھے ۔ 2014ء میں تحریک انصاف کے سربراہ عمران خان بھی انتخابی دھاندلیوں کے خلاف تحریک چلا رہے ہیں۔ انہوں نے 14 اگست کو اسلام آباد میں دھرنے کا اعلان کر رکھا ہے اور نواز شریف حکومت کی مخالف کچھ جماعتوں نے انکی حمایت کا اعلان بھی کر دیا ہے۔ عمران خان کا دعویٰ ہے کہ اسلام آباد میں دفعہ 245 کا نفاذ انہیں روکنے کی کوشش ہے۔ کچھ تجزیہ نگاروں کا خیال ہے کہ حکومت نے ایک تیر سے دو شکار کرنے کی کوشش کی ہے ۔ اسلام آباد کو دہشت گردی کے ممکنہ خطرے سے بچانے کا تاثر بھی دیدیا اور اگر 14 اگست کو کوئی ناخوشگوار واقعہ پیش آتا ہے تو اس کی ذمہ داری سے بچ نکلنے کا راستہ بھی تلاش کر لیا ۔ تاہم یہ خبر بھی زیر گردش ہے کہ 245 کے اختیار کا مطالبہ خود فوجی قیادت نے کیا تھا کیونکہ یہ اطلاعات ملی تھیں کہ رمضان المبارک کے اختتام پر ملک کے اہم شہروں میں دہشت گردی کے واقعات شروع ہو سکتے ہیں۔ وفاقی وزیر اطلاعات پرویز رشید نے واضح الفاظ میں کہہ دیا ہے کہ عمران خان انتخابی اصلاحات نہیں چاہتے بلکہ منتخب حکومت کا تختہ الٹنا چاہتے ہیں ۔یہ خاکستار پرویز رشید صاحب سے اختلاف کی جسارت کرتے ہوئے عرض کرنا چاہتا ہے کہ تختہ الٹنا ایک غیر سیاسی اور غیر آئینی اصطلاع ہے۔ تختہ الٹنے کا مطلب ہے مارشل لا لگانا لیکن عمران خان ایک سے زائد بار مارشل لا کی مخالفت کر چکے ہیں۔ یہ درست ہے کہ ان کے کچھ سیاسی اتحادی فوج کو سیاست میں ملوث کرنے کے درپے ہیں لیکن عمران خان کو مارشل لا کا کوئی فائدہ نہیں ہو گا۔

عمران خان کی طرف سے 14 اگست کے دن اسلام آباد میں دھرنے کے اعلان کی ٹائمنگ اور ان کے مطالبات سے اختلاف کی گنجائش موجود ہے لیکن عمران خان سے مارشل لا کی حمایت کی توقع نہیں کی جاسکتی ۔ مارشل لا نواز شریف کو ایک نئی سیاسی زندگی اور عمران خان کو سیاسی موت سے ہمکنار کرے گا ۔ عمران خان سے کہا جا رہا ہے کہ اسمبلیوں سے استعفوں کی دھمکی دیکر نئے انتخابات کا مطالبہ کیا جائے ۔نئے انتخابات میں تحریک انصاف کی کامیابی کیلئے ضروری ہے کہ انتخابات سے قبل انتخابی اصلاحات کی جائیں ۔ یہ اصلاحات صرف اور صرف منتخب پارلیمینٹ کے ذریعہ ممکن ہیں ۔تحریک انصاف کے کئی رہنمائوں کا خیال ہے کہ 14 اگست کے دھرنے کا اختتام انتخابی اصلاحات کے ایک پیکج پر کر دیا جائے تو یہ بہت بڑی سیاسی کامیابی ہو گی ۔ پھر پارلیمینٹ کو چھ ماہ یا ایک سال کا ٹائم فریم دیا جا سکتا ہے اس عرصے میں انتخابی اصلاحات نہ ہوں تو پھر ایک زوردار تحریک چلائی جا سکتی ہے جس میں پیپلز پارٹی سمیت دیگر اہم جماعتیں بھی شامل ہو جائیں گی۔

اتوار کی صبح تحریک انصاف کے ایک رہنما نے ناشتے کی میز پر کہا کہ ملک میں مارشل لا کا کوئی خطرہ نہیں میں نے پوچھا کہ وہ کیسے ؟فرمانے لگے کہ پہلی وجہ یہ ہے کہ تحریک انصاف مارشل لا کو سپورٹ نہیں کرے گی ۔دوسری وجہ یہ ہے کہ آرمی چیف جنرل راحیل شریف اور پروفیشنل سولجر ہیں وہ اپنی وردی پر سیاست میں مداخلت کا داغ نہیں لگنے دیں گے ۔تیسری وجہ یہ ہے کہ سپریم کورٹ مارشل لا کی توثیق نہیں کریگی۔

میں نے کہا کہ تحریک انصاف کے کچھ مخالفین کا الزام ہے کہ عمران خان کچھ خفیہ ہاتھوں کے ذریعہ استعمال ہو رہے ہیں اور یہ خفیہ ہاتھ نواز شریف کو ہٹا کر عمران خان کو وزیر اعظم بنانا چاہتے ہیں ۔ تحریک انصاف کے رہنما نے قہقہہ لگایا اور کہا کہ اگر عمران خان خفیہ ہاتھوں کا کھلونا ہوتا تو شمالی وزیرستان میں فوجی آپریشن کی حمایت کر رہا ہوتا ۔ خفیہ ہاتھ جانتے ہیں کہ عمران خان ڈکٹیشن نہیں لیتا اور اگر وہ وزیر اعظم بن گیا تو ایک دفعہ پھر طالبان سے مذاکرات شروع کر دے گا لہٰذا یہ خفیہ ہاتھ عمران خان کو کبھی وزیر اعظم نہیں بننے دیں گے ۔ اس دلیل میں کافی وزن تھا ۔ ہوسکتا ہے کہ عمران خان آنے والے دنوں میں حکومت کے استعفے کا مطالبہ کر دیں لیکن اگر حکومت 14 اگست سے پہلے پہلے انتخابی اصلاحات کے پیکج پر تحریک انصاف سے مذاکرات شروع کرنے میں کامیاب ہو جائے اور 14 اگست کو اس پیکج کا اعلان ہو جائے تو یہ یوم آزادی کا بہت بڑا تحفہ ہو گا اور اگر حکومت نے خوفزدہ ہو کر مزید غلط فیصلے کر دیئے تو پھر اس حکومت کیلئے اصل خطرہ عمران خان نہیں بلکہ یہ حکومت اپنے لئے خود خطرہ بن جائے گی ۔

حامد میر

بہ شکریہ روزنامہ ’’جنگ 

فلسطینی عوام پر اسرائیلی جارحیت اور بربریت کو کتنے ہی دن گزر گئے، بمباری ہوتی رہی، معصوم فلسطینی مرتے رہے، ساری دنیا اور دنیا کی وہ طاقتیں جن کے اشارے پر جنگیں شروع ہوتیں اور جن کے اشارے پر جنگ بندی ہوتی ہے، بڑے سکون اور خاموشی سے انسانوں کا قتلِ عام دیکھتے رہے۔ ننھے بچوں کی کٹی پھٹی ، بریدہ لاشیں، دنیا بھر کے اخبارات اور الیکٹرانک میڈیا پر دکھائی جاتی رہیں مگر کوئی دل نہیں پسیجا۔ اقوام متحدہ اور اس کے ذیلی ادارے اس قتل عام پر یوں خاموش رہے جیسے وہ اس سارے کھیل کا حصہ ہوں، امریکہ سے لے کر برطانیہ تک اور دوسرے یورپی ممالک تک سب کے سب ایک مجرمانہ خاموشی کا شکار رہے۔

امریکی پالیسیوں کو امریکہ کی ویپن انڈسٹری کنٹرول کرتی ہے اور اس جنگ میں اسرائیل امریکی گولہ بارود استعمال کر رہا ہے۔ صرف امریکہ ہی نہیں برطانیہ بھی اسرائیل کو بارہ ملین ڈالر کے جنگی ہتھیار فروخت کرتا ہے۔ گولہ بارود بم کی صورت میں، موت کا ساماان اگر استعمال نہیں ہو گا تو مزید خریدنے کی طلب کیسے ہو گی سو اگر اسرائیل معصوم فلسطینیوں پر یہ جنگی ہتھیار استعمال کر رہا ہے تو پھر اس سے زیادہ امریکہ اور برطانیہ کے لیے خوشی اور اطمینان کی بات کیا ہوسکتی ہے، ظاہر ہے ان کے کارخانوں میں بننے والے جنگی سامال کی طلب بڑھے گی۔

اسرائیل کی صورت میں ایک خریدار موجود ہے اور وہ اس جنگ کی مذمت کر کے اپنے کاروباری حلیف کو ناراض نہیں کرنا چاہتے۔ بلکہ شاید وہ تو اس جنگ کی طوالت کے متمنی ہوں۔ اگر معصوم فلسطینی بچے اور عورتیں اس جنگ میں مارے جا رہے ہیں تو اس میں کونسی قیامت ہے، جنگ میں تو ایسا ہوتا ہی ہے۔ اسی سوچ کا پردہ عالمی طاقتوں کے ضمیر پر پڑا ہے، یہی وجہ ہے کہ اس نام نہاد مہذب دنیا میں جہاں تک کتے کی موت پر جانوروں کے حقوق کے لیے کام کرنے والی تنظیمیں ہنگامہ برپا کر سکتی ہیں، وہاں بچوں کے معصوم جسموں کو بارود سے اڑایا جاتا ہے مگر اس کی مذمت میں کوئی آواز بلند نہیں ہوتی۔

خاموشی کے ایسے صحرا میں سعیدہ وارثی نے ڈیوڈ کیمرون کی کابینہ سے استعفیٰ اس بنیاد پردیا کہ انہیں غزہ میں مسلمانوں کی قتل عام پر برطانوی حکومت کی پالیسی سے شدید اختلاف ہے۔ اپنے استعفیٰ میں مس وارثی نے لکھا کہ "انسان کو زندگی اپنے اصولوں کے مطابق گزارنے کا حق ہے۔ جبکہ غزہ میں معصوم لوگوں کا قتل عام اور دوسری جان خود کو برطانوی کابینہ کا حصہ ہونے کی اس صورت حال میں مجھے لگتا ہے کہ میں اپنے اس حق سے محروم ہو چکی ہوں۔ میں انتہائی افسوس کے ساتھ اپنا استعفیٰ پیش کرتی ہوں۔"

ڈیوڈ کیمرون کی کابینہ میں سعیدہ وارثی مسلمان اقلیت کی قابلِ قدر آواز سمجھی جاتی تھیں۔ استعفیٰ دینا یقینا ایک اخلاقی جراٗت ہے جس کا اظہار کر کے انہوں نے تمام دنیا کے مسلمانوں خصوصاً برطانوی مسلمانوں اور پاکستانی مسلمانوں کا سر فخر سے بلند کر دیا ہے۔ ایسے وقت میں جب عرب دنیا پر ایک موت جیسی خاموشی طاری ہے، وہاں سعیدہ وارثی کی جراٗت انکار نے انہیں ایک بہادر اور 

صاحبِ ضمیر خاتون ثابت کیا ہے۔

یہ کلی بھی اس گلستانِ خزاں منظر میں تھی

ایسی چنگاری بھی یا رب اپنی خاکستر میں تھی

غزہ کےمسلمانوں کے ساتھ ہمدردی اور اظہار یک جہتی پر استعفیٰ دینے والی سعیدہ وارثی کو پوری دنیا سلام پیش کر رہی ہے اور دلچسپ بات یہ ہے کہ صرف مسلمان ہی ان کی اس اخلاقی جراٗت کو سلام پیش نہیں کر رہے بلکہ برطانوی سیاست کے اہم افراد بھی سعیدہ وارثی کی جراٗت کو سراہ رہے ہیں۔ برطانوی ابارات بشمول مشہور روزنامہ ٹیلی گراف نے لکھا کہ سعیدہ وارثی نے اخلاقی جراٗت کا ثبوت دیا۔ کنزرویٹو پارٹی کے سابق رکن کابینہ نکولس سومز نے اپنے ٹویٹر پر لکھا کہ حکومت کو سعیدہ وارثی کے استعفیٰ سے سیھنا چاہیے۔ اہم انسانی مسئلے پر سعیدہ وارثی کا استعفیٰ دینا صائب قدم ہے۔

مس وارثی کے لیے پذیرائی یقینا ایک کامیابی ہے۔ اس سے پہلے وہ افغان وار کے حوالے سے برطانوی مسلمانوں کے جارحانہ رویے کا سامنا کر چکی ہیں۔ ایک بار ان پر انڈے اور ٹماٹر اس لیے برسائے گئے کہ وہ اس حکومت کا حصہ ہیں جس نے اپنی فوجیں افغان وار میں بھیج رکھی ہیں۔ آخر وہ مسلمان ہو کر امریکی اور برطانوی جارحیت کے خلاف آواز کیوں نہیں اٹھاتیں۔ ایسا ہو سکتا ہے کہ مس وارثی کسی سیاسی مصلحت کے تحت اس ایشو پر آواز نہ اٹھا سی ہوں وگرنہ ان کے سیاسی کیرئیر پر نگاہ ڈالیں تو بیشتر موقعوں پر انہوں نے برطانوی مسلمانوں کے حقوق کا تحفظ کیا اور وہ اس میں کامیاب رہیں۔ جیسے 2006ء میں ہاؤس آف کامنز ے لیڈر مسٹر جیک سٹرا نے پارلیمنٹ میں مسلمان خواتین کے نقاب لینے کے حوالے سے ایک ڈبیٹ کا آغاز کیا۔ جیک سٹرا نے پردے کے لیے نقاب اوڑھنے کے مخالفت میں ایک مقامی روزنامے میں آرٹیکل لکھا، اس نے ایک فقرے میں کہا کہ

“He would like to see the veil abolished in the United Kingdom.

اس کے بعد برطانیہ کے مختلف اخبارات میں مزید آرٹیکل چھپنا شروع ہو گئے کہ مسلمان خواتین کو برطانیہ میں پردے کے لیے چہرہ ڈھانپنے کی اجازت نہیں دینی چاہیے۔ ایسے موقع پر سعیدہ وارثی نے مسلم واتین کے پردے کے حق میں موثر آواز اٹھائی اور پارلیمنٹ ے اندر اور باہر اس حق کو منوایا کہ لباس کے انتخاب میں فرد کے اختیار کو ختم کرنا اس کی آزادی پر قدغن لگانے کے مترادف ہے۔ جیسے اگر کوئی مجھے یہ حم دے کہ میں سکرٹ پہنوں یا پھر میں اپنا چہرہ ڈھانپوں تو مجھے یہ قابلِ قبول نہیں ہو گا۔ برطانویہ معاشرے میں رہتے ہوئے مس وارثی نے پاکستانی شلوار قمیض پہن کر اپنے الگ شناخت بنائی ہے ایک برطانویہ میگزین نے مس وارثی کا انٹرویو شائع کیا تو اس گلابی شلوار قمیض ڈوپٹے کی الگ سے نمایاں تصویر چھاپی، جو انہوں نے حکومتی آفس جوائن کرنے سے پہلے روز زیب تن کیا تھا۔

گوجر خان کے صفدر حسین کی چوتھی بیٹی، سعیدہ وارثی کو اس وقت پوری دنیا سلام پیش کر رہی ہے۔ کچھ حلقے یہ سوال بھی اٹھاتے ہیں کہ آخر ایک شخص کے استعفیٰ دینے سے کیا فرق پڑے گا تواس کا جواب یہ ہے کہ سعیدہ وارثی نے وہی کچھ کیا جو ایک فرد کی حیثیت سے وہ کر سکتی ہیں اور ایک فرد کے کردار کا اندازہ اسی سے لگایا جا سکتا ہے کہ جن اصولوں کی خاطر وہ مخالف ہواؤں کے سامنے کھڑا رہتا ہے۔ سعیدہ وارثی نے عالمی طاقتوں کی بہیمانہ بربریت اور انتہائی بے حسی کے مقابل انسانیت کا ساتھ دینے کا فیصلہ کیا۔ ل تک وہ برطانیہ میں صرف مسلم اقلیت کی نمائندگی کر رہی تھیں مگر آج انہوں نے اخلاقی جراٗت کا اظہار کر کے اور فلسطینی مظلوموں کے ساتھ کھڑا ہو کر دنیا بھر میں انسانی حقوق کے لیے کام کرنے والی تنظیموں کے دل جیت لیے ہیں۔ یوں سعیدہ وارثی کے اس قدم نے ظلم کی تاریکی میں ایک شمع روشن کی ہے اور اندھیرے کو چیرنے کے لیے روشنی کی ایک ننھی کرن بھی کافی ہوتی ہے۔

شکوہٗ ظلمتِ شب سے تو کہیں بہتر تھا

اپنے حصے کی کوئی شمع جلاتے جاتے

نبیِ رحمت صلی اللہ علیہ وسلم کا فرمان ہے ظلم اور برائی کو دیکھو تو اسے طاقت سے روکو ، اگر انہیں تو اسے زبان سے برا کہو اور اگر یہ بھی نہیں کر سکتے تو دل میں ہی اسے برا بھلا کہوں اور یہ ایمان کا کمزور ترین درجہ ہے۔

سعیدہ وارثی نے تو ظلم کے خلاف آواز اٹھا کر صاحب ایمان ہونے کا ثبوت دیا۔

عرب ملکوں کے وہ حکمران جو ظلم کرنے والی عامی طاقتوں کے دہلیز نشین ہیں، چپ چاپ فلسطینی بچوں کو مرتا دیکھتے ہیں، کیا وہ ایمان کے کمزور ترین درجے پر بھی فائز نہیں؟

بہ شکریہ روزنامہ "دنیا"

Sayeeda Warsi Resigns From UK Government 

ہم ایک عجیب و غریب دور میں جی رہے ہیں جیسا کہ شاعر بھی حیران ہے کہ ، سوچتا ہوں، دنیا کیا سے کیا ہو جائے گی، اسی طرح عوام بھی دنیا کے متضادات سے حیرت زدہ ہیں۔ اگر کسی کی کبھی ختم نہ ہونے والی منافقت اور خود غرضی کی وجہ سے آپ پریشان ہیں تو وہیں دوسری جانب ایسے لوگ بھی موجود ہیں جن کی انسانیت نوازی اور فیاضی کی بدولت انسانیت پر آپ کا اعتماد قائم ہے۔ اسرائیل کی حالیہ جارحیت میں یہ سب کچھ موجود ہے۔ اگر ایک جانب صہیونیوں کی سفاکیت اپنی بد ترین سطح پر پہنچی ہے تو دوسری طرف فلسطینیوں کی جانب سے انتہائی جانبازی اور بہادری کا بھی مظاہرہ ہو رہا ہے۔ غیر مسلح فلسطینی حد درجہ کی مدافعت کا مظاہرہ کر کے مطلق العنیت کے خلاف جد و جہد جاری رکھ کر ہیرو بنے ہوئے ہیں۔ ایک جانب امن کیلئے نوبیل انعام پانے والے بارک اوبامہ کی سربراہی میں پوری امریکی انتظامیہ مکمل طور پر اسرائیل کے ذریعے محصور اور غیر محفوظ عوام کے قتل عام کی حمایت اور مدد کر رہی ہے۔اس نے نہ صرف اسے امریکہ ہتھیاروں تک رسائی دے رکھی ہے بلکہ پچین ملین ڈالر کی اضافی امدادی رقم بھی دی ہے۔ دوسری طرف غزہ میں جاری نسل کشی کے خلاف مغربی ممالک بشمول امریکہ بڑے بڑے شہروں میں مظاہرے ہو رہے ہیں لیکن عرب یا عالم اسلام میں کوئی مظاہرہ دیکھنے کو نہیں ملا۔ انسانی ہمدردی ابھی پوری طرح ختم نہیں ہوئی ہے۔

امریکی یا مغربی میڈیا اپنی روایات کے مطابق اس سفاکانہ نسل کشی کے تعلق سے یک طرفہ خبریں ہی پیش کر رہا ہے لیکن دوسری جانب متبادل میڈیا مثلاً بلاگس اور سوشل میڈیا پر کچھ لوگ عوام تک حقیقت پہنچانے میں کوئی کسر نہیں چھوڑ رہے ہیں۔ فلسطین کی زمین معصوموں کے خون میں ڈوبی ہوئی ہے۔ ایسی حرکت کرنے والے وہ لوگ ہیں جو پاک پیغمبر کے جانشین ہونے اور ہزاروں سال ستم رسیدہ ہونے کا دعویٰ کرتے ہیں۔ بنی اسرائیل نے بے بس لوگوں کے خلاف وحشیانہ حرکتیں کرنے میں نازیوں کو بھی مات دے دی ہے۔ ہٹلر کی فوجوں نے بھی ایسی غلط حرکتیں نہیں کی ہونگی۔ برطانیہ کے مشہور ماہر ماحولیات ڈیوڈ انین بورو نے احتجاج کرتے ہوئے کہا تھا کہ’’ کوئی جانور بھی اسرائیلیوں جیسا ظالم نہیں ہو گا، مگر مچھ تک نہیں۔ وہ اسکولوں، اسپتالوں ، پناہ گزین کیمپوں ، یتیم خانوں ، اقوام متحدہ کے غذائی مراکز ، آب رسانی کے مقامات ، پاور پلانٹ، ایمبولنس اور سمندر کنارے کھیلنے والے بچوں تک کو اپنے بموں کا نشانہ نا چکا ہے۔ لاکھوں لوگوں کو محصور کرنے کے علاوہ وہ اسکول جانے والے بچوں پر بھی گولی چلاتے ہیں۔ قیدیوں کو رہا کرنے سے پہلے انہیں ہیماریوں کے انجکشن لگاتے ہیں۔ وہ زمین ، سمندر اور ہوا سے لوگوں کو قتل کرتے ہیں۔ ستم بالائے ستم یہ ہے کہ بے سہارا متاثرین کو دہشت گرد قرار دیتے ہیں۔ ‘‘ اقوام متحدہ جو کہ عالمی امن کی حفاظت کیلئے قائم کیا گیا تھا اپنے ہی دفاتر اور مدارس میں لوگوں کی حفاظت نہیں کر پا رہا۔ بے بس عالمی ادارے محض تماشائی بنے ہوئے ہیں جبکہ اسرائیل انہیں منہ چڑاتے ہوئے ہر ضابطے اور اصول کو پامال کر رہا ہے اور دنیا کو ٹھینگا دکھا رہا ہے۔ طاقتور عالمی لیڈر اختیارات اور وسائل ہونے کے باوجود اس طرح محض تماشائی بنے ہوئے ہیں جیسے ہالی ووڈ کا کوئی تھرلر دیکھ رہے ہوں۔ گویا ان کی آنکھ کے سامنے جو مارے جا رہے ہیں وہ حقیقی گوشت پوست کے انسان نہ ہوں۔ ماضی میں عرب مسلم لیڈروں نے اسرائیل کے خلاف زبانی احتجاج ہی سہی کیا تھا۔ اس مرتبہ وہ بھی نہیں ہوا۔

کچھ لوگ اس کیلئے خطہ میں پیچیدہ اور ہر وقت تبدیل ہونے والی سیاسی اور طاقت کی ادلا بدلی کو مورد الزام ٹھہراتے ہیں۔ عالم اسلام کو فرقہ بندی کی بنیاد پر تقسیم کرنے کے نیو امریکن سینچوری پروجیکٹ کے تحت عراق اور دیگر ممالک میں بوئے گئے نفرت کے بیج کی فصل کاٹی جا رہی ہے۔ بہار عرب کے دوران احتجاج در احتجاج کے بعد پورے خطے میں نام نہاد سیاسی اسلام، ایک ناپسندیدہ لفظ بن گیا۔ اسی کا نتیجہ ہے کہ حماس اور وسیع پیمانے پر فلسطین بالکل تنہا پڑ گیا ہے جس کا کوئی دوست نہیں ہے جبکہ دنیا کی طاقتور ترین فوج نہتے لوگوں پر خونریز حملے کر رہی ہے۔ لیکن اس میں نیا کیا ہے؟َ فلسطینیوں کو کسی نہ کسی فرضی یا دشمنوں کے ذریعہ پیدا کئے گئے جرم کی سزا بھگتنے کی عادت سی ہو گئی ہے۔ ماضی میں عرفات کی سربراہی والی فتح کی ضدی قرار دی جانے والی لیڈرشپ تھی جسے آخر کا ر زہر دے دیا گیا تو آج حماس کی مبینہ دہشت گردی ہے۔ جارح نظریات کے تحت اسرائیل کو وقت وقت پر گھاس کاٹنے کیلئے کسی بہانے کی ضرورت ہوتی ہے۔ لیکن گزشتہ مہینے اسرائیل کی بے رحم فوجی طاقت اور ظالمانہ رویہ غزہ کو تباہ کر دینے کے باوجود عصبیت پسند حکومت اپنے مقصد میں بری طرح ناکام ہے۔ نام نہاد آپریشن پروٹیکٹیو ایج کی وجہ سے اسرائیل کو منہ کی کھانی پڑی ہے جیسا کہ 2006ء کی لبنان کے خلاف جنگ کے بعد ہوا تھا۔ فلسطینی بری طرح زخمی ہیں لیکن ٹوٹے نہیں ہیں۔ یہ وہ لوگ ہیں جو کسی بھی صورتحال کا سامنا کرنے کیلئے تیار رہتے ہیں۔

جیسا کہ پاکستان کے سابق فوجی سربراہ مرزا اسلم بیگ نے کہا کہ ’’اسرائیلی جنگ کا مقصد حماس کی شہری اور فوجی کمان کے منصوبے اور ان کے بہادر جنگجوؤں کو ختم کرنا ہے لیکن اسرائیلی فوجیں اپنا مقصد حاصل کرنے میں دس فیصد بھی کامیاب نہیں ہو سکی ہیں۔ اسی کو شکست کہتے ہیں۔ حماس کی فتح ہوئی ہے کیونکہ مدافعت کے نظریہ کو شکست نہیں دی جا سکتی۔‘‘

اس بات پر توجہ دلاتے ہوئے کہ یہ 2 غیر متناسب فریقین کے بیچ سخت جنگ تھی، جنرل بیگ پیش گوئی کرتے ہیں کہ مضبوط قوت ارادی کے حامل افراد ہی فتح مند ہوتے ہیں۔ قدرت بھی حماس کی مدد کرتی ہے جبکہ اسرائیل کی پوری دنیا مذمت کر رہی ہے۔‘‘ تو بھلے ہی فلسطینی مقامی سطح پر خود کو تنہا پاتے ہوں لیکن بڑے پیمانے پر عالمی برادری کے کم ازکم با شعور افراد ان کے ساتھ ہیں۔ غزہ والوں کیلئے بڑھتی حمایت عالمی پیمانے پر پچھلے کچھ ہفتوں میں دیکھی گئی ہے جو اس سے پہلے کبھی نظر نہیں آئی تھی۔ اسرائیل کے خلاف نفرت اپنے عروج پر ہے اور اسی آندھی میں ، نسلی بنیاد پر نا انصافی کے ذریعہ قائم کئے گئے اس ملک کے نابود ہو جانے کی پیش گوئی کی جا رہی ہے۔ جیسا کہ سخت گیر جنوبی افریقہ کے ساتھ ہوا تھا۔ پچھلے ہفتہ جنوبی امریکہ کے پانچ ممالک برازیل، چلی، ایکواڈور ، پیرو اور ایل سلواڈور نے ہمت کا مظاہرہ کرتے ہوئے غزہ کی حمایت میں مظاہرہ کیا اور اسرائیلی سفیر کو اپنے ملک سے نکال باہر کیا۔ قاہرہ میں واقع عرب پارلیمنٹ نے جنوبی امریکہ کے ممالک کا ان کے اقدام کیلئے شکریہ ادا کیا۔ اگر فلسطین کے تعلق سے یہ ہمدردی کچھ پہلے بیدار ہوگئی ہوتی تو اس کے کچھ خوشگوار نتائج برآمد ہو سکتے تھے۔ جیسا کہ مارٹن لوتھر کنگ جونئیر نے کہا تھا کہ آخر میں ہم دشمن کے الفاظ نہیں بلکہ دوست کی خاموشی یاد رکھیں گے۔ اسی دوران دنیا کی نظروں میں اسرائیل کو جنگ اور معرکہ آرائی دونوں میں شکست فاش ہوئی ہے۔ فلسطینی پارلیمنٹ کے الفاظ میں ’’ فلسطین نے برداشت کیا، مقابلہ کیا اور فتح حاصل کی۔‘‘ اور انہوں نے ساری پریشانیوں کے باوجود ہر مرحلے میں کامیابی حاصل کی ہے۔ آزادی اور مقابلہ آرائی کی روح ایک مرتبہ پھر ظلم و استبداد اور نو آبادیات کے خلاف کامیاب و کامران رہی ہے۔

بہ شکریہ روزنامہ ’’انقلاب 

ترکی میں اتوار کو منعقدہ صدارتی انتخابات کے غیر حتمی اور غیر سرکاری نتائج کے مطابق وزیراعظم رجب طیب ایردوآن پچاس فی صد سے زیادہ ووٹ لے کر کامیاب ہوگئے ہیں۔

ترکی کے نشریاتی اداروں کی اطلاع کے مطابق صدارتی انتخاب کے لیے پولنگ کے دوران ڈالے گئے ووٹوں کی گنتی قریب قریب مکمل ہوچکی ہے۔ترکی کی حکمراں جماعت عدل اور ترقی پارٹی کے حوالے سے بتایا گیا ہے کہ رجب طیب ایردوآن نے 52 فی صد سے زیادہ ووٹ حاصل کیے ہیں۔اس طرح وہ ملکی تاریخ میں پہلی مرتبہ براہ راست ووٹوں سے صدر منتخب ہوگئے ہیں۔ان کے قریب ترین حریف حزب اختلاف کے امیدوار اکمل الدین احسان اوغلو رہے ہیں اور انھوں نے 38 فی صد سے زیادہ ووٹ حاصل کیے ہیں۔

ترک وزیرانصاف بکیر بزداق نے ایک ٹویٹر پیغام میں اس بات کی تصدیق کی ہے کہ ''ایردوآن عوام کے پہلے منتخب صدر بن گئے ہیں''۔رجب طیب ایردوآن نے استنبول میں اپنے حامیوں سے گفتگو کرتے ہوئے کہا ہے کہ عوام نے اپنی منشاء کا اظہار کردیا ہے لیکن انھوں نے اپنی کامیابی کا اعلان نہیں کیا ہے۔البتہ یہ کہا ہے کہ وہ گنتی مکمل ہونے کے بعد انقرہ میں اپنی جماعت کے ہیڈکوارٹرز سے تقریر میں فتح کا اعلان کریں گے۔

سی این این ترک اور این ٹی وی کی رپورٹس کے مطابق اسلامی تعاون تنظیم (اوآئی سی) کے سابق سیکریٹری جنرل اور حزب اختلاف کے امیدوار اکمل الدین احسان اوغلو نے 38.8 فی صد ووٹ حاصل کیے ہیں جبکہ 90 فی صد ووٹوں کی گنتی مکمل ہوچکی تھی۔کردنواز بائیں بازو کی جماعت پیپلز ڈیموکریٹک پارٹی کے امیدوار صلاح الدین دیمرطیس کے حق میں صرف 9.2 فی صد ووٹ پڑے ہیں۔تاہم ترکی کے الیکشن کمیشن کے حکام سوموار کو کسی وقت ابتدائی انتخابی نتائج کا اعلان کریں گے اور حتمی نتائج اسی ہفتے متوقع ہیں۔

واضح رہے کہ ماضی میں ترک پارلیمان صدر کا انتخاب کرتی رہی ہے لیکن وزیراعظم رجب طیب ایردوآن کی حکومت نے قانونی اور انتخابی اصلاحات کی ہیں جس کے تحت پہلی مرتبہ صدر کا براہ راست انتخاب عمل میں لایا گیا ہے اور اب عوام کے ووٹوں سے منتخب صدر کو وزیراعظم سے زیادہ اختیارات حاصل ہوں گے۔

بعض مبصرین نے اس رائے کا اظہار کیا ہے کہ رجب طیب ایردوآن مطلق العنان حکمران بن جائیں گے اور وہ اپنے مخالفین کا ناطقہ بند کردیں گے لیکن عام ترکوں نے ان کے ان خدشات اور آراء کو مسترد کردیا ہے اور ایردوآن کی تعریف کرتے ہوئے کہا ہے کہ انھوں نے ملک کو بحرانوں سے نکال کر ترقی کی راہ پر گامزن کیا ہے اور اس وقت جب کوئی بھی عرب حکمران غزہ پر اسرائیل کی جارحیت کے خلاف بولنے سے گریزاں ہے تو انھوں نے اس کی مذمت کی ہے اور فلسطینیوں کی کھلے عام حمایت کا اظہار کیا ہے۔

اسرائیل کی غزہ پر تباہ کن بمباری، اس کی مکمل تباہی اور اسرائیلی فضائی حملوں میں فلسطینی بچوں کے اہدافی قتل نے دنیا بھر کے عام لوگوں کو صدمے سے دوچار کردیا ہے۔

بمباری میں بچوں کے چیتھڑوں اور مسخ شدہ لاشوں، مساجد اور گرجا گھروں کی تباہی نے دنیا بھر کی توجہ حاصل کی ہے لیکن ایسا مرکزی دھارے کے میڈیا کے ذریعے نہیں ہوا ہے بلکہ یہ تصاویر ٹویٹر اور فیس بُک کے ذریعے منظرعام پر آئی ہیں۔

سوشل میڈیا نے فلسطینی المیے اور انسانی مصائب کو اجاگر کیا ہے، ایسے لوگوں کے ہولوکاسٹ اور مکمل نسل کشی کو منظرعام پر لایا ہے جن کی واحد درخواست یہ ہے کہ انھِیں آزادی، امن اور وقار سے جینے دیا جائے۔

لیکن امریکا کے مرکزی دھارے کے میڈیا نے مکمل طور پر ایک سنگ دلانہ حکمتِ عملی اختیار کی ہے، قریب قریب تمام اخبارات ،سی این این، سی سپین ، فاکس اور ان سے وابستہ ادارے حماس کو اسرائیل پر حملہ آور ہونے کا الزام دے رہے ہیں، اس کو موجودہ صورت حال کا ذمے دار اور اسرائیل کی سکیورٹی اور استحکام کے لیے خطرے کا موجب قرار دے رہے ہیں۔

بعض اینکروں نے تو جھوٹ تراشنے سے بھی گریز نہیں کیا ہے۔ بعض دوسروں نے فلسطینیوں کو بالکل نظرانداز کردیا اور اپنی توجہ خیالی سرنگوں اور راکٹوں پر مرکوز کیے رکھی ہے۔انھوں نے جان بوجھ کر ہرکسی کی توجہ اس جانب مرکوز نہیں کی ہے کہ امریکا کی جانب سے آزادانہ طور پر مہیا کیے جانے والے ہتھیاروں، بموں اور راکٹوں نے بچوں کو زندہ جلا دیا، اسپتالوں میں بیماروں اور ضعیفوں کو مار دیا اور رمضان المبارک کی مقدس راتوں کے دوران عبادت کرنے والوں کو تہس نہس کردیا ہے، ان کے حُلیے بگاڑ دیے ہیں۔

یہ جنگ نہیں تھی۔ یہ ایک قتل عام تھا جس کو امریکا میں میڈیا نے مہمیز دی۔ ایسا میڈیا جو ننگے ہوکر تعصب کا مظاہرہ کررہا تھا،اس نے بالواسطہ طور پر حملوں کو نظر انداز کرکے اور ان کو نہ دکھا کر ان کی حوصلہ افزائی کی ہے اور ہسٹریائی کیفیت کا مظاہرہ کیا ہے۔

میڈیا اس وقت اپنی غیراخلاقی پن کی حدوں کو چھورہا تھا جب اس نے براہ راست نشر کیے جانے والے پروگراموں کو بھی سنسر کرنا شروع کر دیا۔ ماضی میں موقر سمجھے جانے والے ادارے سی سپین نے بھی ایسے ہی کیا۔نسل کشی کے مخالف ماہرین کو نشریات میں بلانے سے گریز کیا گیا یا ان کو بولنے کا وقت ہی نہیں دیا گیا۔

لیکن لاطینی امریکا کے ممالک اٹھ کھڑے ہوئے اور وہ فلسطینیوں کے ہولوکاسٹ کے خلاف بولے ہیں حالانکہ وہ خود امریکا کی خارجہ پالیسی کا شکار رہے ہیں مگر کسی یورپی یا مغربی لیڈر کو چیخنے،چلانے کی توفیق نہیں ہوئی ہے۔

امریکی حکومت اور اس کے قانون سازوں کا میڈیا سے اتنا تعلق رہا ہے کہ وہ اس کے ذریعے حماس سے یہ کہتے پائے گئے ہیں کہ وہ اپنی جارحیت کو روکے۔ اس معاملے میں کینیڈا سب سے بڑا مجرم بن کر سامنے آیا ہے اور میں اپنے کاروباری حضرات سے یہ کہنا چاہوں گا کہ وہ کسی کینیڈین وفد سے ہر قسم کا میل ملاقات بند کردیں بالکل ایسے جس طرح انھوں نے ماضی میں روس کے ساتھ کیا تھا۔ اس تحریک کا یورپی یونین کے رکن ممالک اور امریکا پر بھی اطلاق کیا جانا چاہیے اور امریکا تو سب سے زیادہ جارحیت پسند ثابت ہوا ہے۔

صدر اوباما نے اس دوران اسرائیل کے آئرن ڈوم پروگرام کے لیے اضافی فنڈز کی منظوری دی ہے اور اسرائیل کے ہتھیاروں کے ذخیروں میں اضافے کے لیے لیزر گائِیڈڈ بموں اور راکٹوں کی بھاری کھیپ روانہ کی ہے۔

ان یورپی ممالک اور امریکا کے نزدیک فلسطینیوں کی زندگیوں کی کوئی قدر وقیمت نہیں ہے۔ ان کے لیے ہم عرب محض ایک مارکیٹ ہیں، گیس اسٹیشنز ہیں اور ان کے لیے ایسے لوگ ہیں جنھیں''آپ ہمارے اتحادی اور کاروباری شراکت دار ہیں''ایسے الفاظ سے بہلایا پھسلایا جا سکتا ہے۔

ممکن ہے پہلے یہی معاملہ رہا ہو لیکن اب عرب عوام اس حقیقت کو جان گئے ہیں اور وہ جو کچھ دیکھ رہے ہیں، وہ ان کے لیے قابل قبول نہیں ہے۔ وہ اب اس معاملے کو سنجیدگی سے لے رہے ہیں اور وہ چاہتے ہیں کہ برابری کا برتاؤ کیا جائے۔

اب ایسے تجارتی وفود کو قبول نہیں کیا جانا چاہیے جن میں کٹڑ صہیونی شامل ہوں جو اپنی چیزیں بیچنے اور دھوکا دہی سے جیبیں بھرنے میں دلچسپی رکھتے ہیں،ایسے صحافیوں کو بھی خوش آمدید نہیں کیا جانا چاہیے جو یہاں کے داخلی مسائل کو اجاگر کرنے کے لیے آتے ہیں اور ان سے کسی قسم کی کوئی ہمدردی ظاہر نہیں کی جانی چاہیے۔

مغرب کو یہ بات جان لینی چاہیے کہ ہم بعض پہلوؤں میں اگرچہ ناکام ہوگئَے ہیں لیکن ہم اس کے باوجود ترقی کرنے اور آگے بڑھنے کی خواہش رکھتے ہیں۔اس مقصد کے لیے ہمیں امن درکار ہے اور آپ انصاف اور فلسطینی عوام کو ان کا حق دیے بغیر امن نہیں دے سکتے ہیں۔

آپ وہاں امن قائم نہیں کرسکتے جہاں عوام کی خواہشات اور امنگوں کو جبری دبا دیا جائے۔اگر مغرب انسانی حقوق کے ایشو کو مکمل طور پر نظرانداز کرتا اور اپنے اقتصادی مفاد کے لیے مطلق العنان حکومتوں کو مضبوط کرتا ہے تو پھر امن قائم نہیں ہوسکتا ہے۔

ان تمام سازشی کھیلوں کو فوری طور پر بند کرنا ہوگا۔دوسری صورت میں مغرب دہشت گردی کی کارروائیوں کے ذریعے اس کا خمیازہ بھگتے گا۔افسوس ناک بات یہ ہے کہ یہ دہشت گردی ان کی ناانصافیوں سے ہی پروان چڑھے گی کیونکہ جن لوگوں کے پاس کوئی قانونی راستہ نہیں بچے گا تو وہ پھر دہشت گردی کے ذریعے مقاصد حاصل کرنے کی کوشش کریں گے۔

مغرب کو ہمارے ساتھ برابری کی بنیاد پر معاملہ کرنا چاہیے، ہمیں دوست چاہئیں، آقا نہیں۔

Western Media and the Gaza War by Khaled Al Maeena

Happy Pakistan Independence Day 2014

محترم نصر اللہ شجیع بھائی کو ان کی عظیم قربانی کے لیے داد شجاعت دیتے ہوئے حکومت پاکستان نے تمغہ شجاعت دینے کا فیصلہ کیا ہے نصر اللہ شجیع بھائی وہ عظیم استاد تھے جنہوں نے اپنے اس نفسا نفسی کے دور میں اپنے ایک طالب علم کو بچانے کے لیے اپنی جان دے دی۔ یہ ہمارے وطن کے حقیقی ہیرو ہیں

There are 60 trillion webpages online.

Google fields more than 100 billion searches each month.

Sixteen percent of a day's searches are completely new.

Google's index is over 100 million gigabytes large.

Proprietary algorithms serve up the pages you want.

Search data travels about 1,500 miles (two times the length of Texas).

More than 500 million people have joined Google+.

POMPEII is the city of the long goodbye. In A.D. 62, a major earthquake toppled buildings, causing severe damage, harbinger of what was to come. Seventeen years later, in A.D. 79, Mount Vesuvius erupted, burying Pompeii in a swift and terrible destruction.

• Pompeii is on the Circumvesuviana train line, about 30 minutes from Naples, and the Pompei Scavi stop will take you to an entrance. Admission is 11 euros; for 20 euros you can get a three-day pass to Pompeii and four other excavation sites, the best known being the nearby seaside town of Herculaneum.

•  Pompeii covers 163 acres (66 hectares), so a guidebook, map and comfortable shoes are good ideas. Guided tours are available at the entrance for an additional fee (guides should display a license from the Region Campania), but be aware tours vary in quality. Audio guides are also available for rent.
   
• Two millennia ago, taverns were liberally represented in Pompeii. Today, there’s just one place: Autogrill cafeteria near the Forum. Not exactly Lucullan feasting, but they do sell passable panini. — AP