The story of Lyari

ذہنی تناﺅ دور کرنے کا قدرتی طریقہ...


لاس اینجلس ( بیورورپورٹ)ذہنی دباﺅ ایک ایسا مرض ہے، جو بعض اوقات انسان کو مجبور اور بے بس بنا دیتا ہے۔ اس مرض کے علاج کےلئے جہاں تھراپی کا نظام موجود ہے، وہاں مارکیٹ میں متعدد ادویات بھی موجود ہیں، لیکن ذہنی تناﺅ کی کیفیت ہر شخص پر مختلف انداز میں اثر انداز ہوتی ہے۔ کسی ایک شخص کی تشخیص بالکل لفظ بہ لفظ کسی دوسرے پر صادق نہیں آ سکتی، مگر رویے، سوچ اور روزمرہ کے امور میں کچھ تبدیلی لا کر ہر قسم کے ذہنی تناﺅ سے قدرتی طور پر نجات حاصل کی جا سکتی ہے۔ یہاں ہم آپ کو ڈپریشن کے علاج کے لئے چند قدرتی طریقے بتاتے ہیں۔

روزمرہ کے امور میں پابندی: لاس اینجلس کے معروف ماہر نفسیات این کُک کا کہنا ہے کہ ” اگر آپ ذہنی دباﺅ کا شکار ہیں تو خود کو پابندی کا عادی بنائیں۔ ڈپریشن آپ کے روزمرہ کے امور کا حلیہ بگاڑ سکتا ہے، لہذا ضروری ہے کہ دوبارہ درست راستے پر آنے کے لئے خود کو پابندی کی عادت ڈالیں“۔

مقصد کا تعین: کُک کا کہنا ہے کہ ”ذہنی دباﺅ انسان میں یہ احساس پیدا کر سکتا ہے کہ آپ کسی کام کو پورا نہیں کر سکتے اور یہی چیز آپ کی تباہی کا موجب بنتی ہے۔ خود کو سنبھالیئے، روزانہ اپنے مقاصد کا تعین کریں اور چھوٹے مقصد کے حصول سے شروعات کریں“۔

ورزش: ورزش کرنے سے جسم میں موجود کیمکلز حرکت میں آجاتے ہیں، جو انسان کو عارضی خوشی کا احساس دلاتے ہیں۔ بعدازاں ورزش کی مستقل عادت انسانی دماغ کو تروتازہ کرنے میں اہم کردار ادا کرتی ہے تو ڈپریشن کا مسئلہ خود بخود حل ہوتا چلا جاتا ہے۔ کُک کہتے ہیں ”ورزش کا مطلب یہ نہیں کہ آپ میراتھن میں حصہ لینے چلے جائیں بلکہ چہل قدمی ہی آپ پر مثبت اثرات مرتب کر سکتی ہے“۔

صحت مند غذا: ایسی کوئی خوراک تو نہیں جو ڈپریشن کا فوری علاج کر دے لیکن بہتری کے لئے یہ نہایت ضروری ہے کہ آپ سوچ سمجھ کر کھائیں۔ اگر ڈپریشن کی وجہ سے آپ زیادہ کھانا کھاتے ہیں تو اسے کم کردیں کیوں کہ اسے آپ اچھا محسوس کریں گے۔ کُک کا کہنا ”ڈپریشن کا شکار مریض ایسی خوراک کھائیں جس میں اومیگا3پایا جیسے مچھلی وغیرہ“۔

سونے کی عادت: ڈپریشن کی وجہ سے انسانی کی نیند بھی بہت متاثر ہوتی ہے اور مناسب وقت تک نہ سونے سے ذہنی دباﺅ کا مسئلہ شدت اختیار کر جاتا ہے، لہذا ضروری ہے کہ نیند کو اہمیت دی جائے۔ سونے کے لئے بیڈ پر جائیں تو یہ دیکھیں کہ وہ کونسی چیزیں ہیں جو سونے میں رکاوٹ ڈالتی ہیں، جیسے کمیوٹر یا ٹی وی وغیرہ۔ ان چیزوں کو کسی اور جگہ منتقل کر کے سونے پر توجہ دیں۔ ان فطری نسخوں کے علاوہ آپ گھریلوذمہ داریاں لے کر، منفی سوچ کا مقابلہ اور کچھ نیا کرکے بھی ڈپریشن کا خود سے قدرتی علاج کر سکتے ہیں۔ کسی بھی طرح کا سپلیمنٹ لینے سے پہلے اپنے ڈاکٹر سے اسے چیک کروائیں اور زندگی کو انجوائے ضرور کریں، کسی نہ کسی ایسی سرگرمی میں ضرور شرکت کریں جو آپ کو اچھی تفریح فراہم کرے۔

Pakistan Electronic Media Regulatory Authority (reporting name:PEMRA), is an independent and constitutionally established federal institution responsible for regulating and issuing channel licenses for establishment of the mass-media culture, print and electronic media.^[1]Codified under the Article 19: Chapter I of the Constitution of Pakistan, it has jurisdiction to impose reasonable restrictions in the interest of the religion, the integrity, national security of Pakistan.^[2] Established on March 1, 2002, Pemra's principal objectives are to facilitate and regulate the private electronic mass-media industry and to improve the standards of information, education and entertainment.^[2]Its constitutional mandate is to enlarge the choice available to the people of Pakistan including news, current affairs, religious knowledge, art and culture as well as science and technology.^[3] As of present, it is currently chaired by Chaudhry Rashid Ahmad as its designated and appointed chairman from the government of Pakistan.^[4]

Constitutional status and definition

1. Improve the standards of information, education and entertainment.^[3]
2. Enlarge the choice available to the people of Pakistan in the media for news, current affairs, religious knowledge, art, culture, science, technology, economic development, social sector concerns, music, sports, drama and other subjects of public and national interest.^[3]
3. Facilitate the devolution of responsibility and power to the grass roots by improving the access of the people to mass media at the local and community level.^[3]
4. Ensure accountability, transparency and good governance by optimization in the free flow of information.^[3]

Overview

History

Chairman of the Authority

• Mian Javed (Founding Chairman)
• Mr. Iftikhar Rashid (2nd Chairman)
• Mr. Mushtaq Malik (3rd Chairman
• Dr. Abdul Jabbar (Acting Chairman)
• Mr. Rashid Ahmad (4th Chairman)

حسن سپروائزر کا یہ ایس ایم ایس پڑھتے ہی میرے دل سے گویا ایک بھاری پتھر ہٹ گیا کہ تمہاری عجیب النسا آج فجر کے بعد چل بسیں۔

یو نو وٹ۔۔۔اگر کوئی مجھ سے پوچھے کہ وہ کونسا پروجیکٹ ہے جس میں کسی بھی دوسرے پروجیکٹ سے زیادہ وقت، وسائل، محنت، توانائی اور تربیت کے باوجود منافع کا امکان سب سے کم اور خسارے کا امکان سب سے زیادہ ہے۔اس کے باوجود سب سے زیادہ لوگ اسی پروجیکٹ میں سرمایہ کاری کرتے ہیں ؟ اولاد۔۔۔۔۔۔۔۔

عجیب النسا کی تدفین کے بعد میں اور حسن سپروائزر آمنے سامنے کی دو پرانی قبروں سے گاؤ تکیے کی طرح ٹیک لگا کر بیٹھ گئے۔میری سوالوں بھری آنکھوں سے ٹپکتے تجسس کو حسن سپروائزر کی خفیف سی ٹیڑھی بائیں آنکھ نے لپک لیا۔

’’ بیٹا بس کیا بتاؤں ؟ جائے نماز سے اٹھتے ہی کہنے لگیں، نیند آرہی ہ ےکوئی ڈسٹرب نہ کرے۔آدھے گھنٹے بعد اٹھا دینا۔ میں نے آہستہ سے ان کے کمرے کے کواڑ بھیڑ دیے۔ پینتیس چالیس منٹ بعد یاد آیا تواندر جھانکا۔ تب تک بڑی بی نکل چکی تھیں۔ برس ہا برس دن رات دیکھنے کی وجہ سے مجھے شائد ان کی عادت ہو گئی تھی اس لیے ابھی خالی خالی سا لگ رہا ہے۔۔۔۔۔‘‘

کل ہی کی تو بات ہے کہ گیارہ مئی انیس سو ستاسی کو عجیب النسا کا اکلوتا بیٹا خالد انھیں یہاں جمع کرا گیا تھا۔ (میں نے آج تک خالد کا صرف نام ہی سنا ہے)۔ بقول حسن سپروائزر عجیب النسا کو یہاں داخل کرانے کے بعد خالد پہلی اور آخری دفعہ ٹھیک ایک سال بعد گیارہ مئی انیس سو اٹھاسی کو ماں سے ملنے آیا تو اس نے دور سے تمہیں (یعنی مجھے ) عجیب النسا کی گود میں دیکھا اور پھر وہ اپنی ماں کے لیے جو تین جوڑے لایا تھا میرے ( یعنی حسن سپروائزر) حوالے کرکے بنا ملے ہی چلا گیا اور پھر نہیں پلٹا۔

لگ بھگ چھ سال بعد بس ایک مرتبہ خالد کا خط ڈاک سے آیا۔ جب حسن سپروائزر نے وہ خط عجیب النسا کو لا کر دیا تومیں انھی کی گود میں سر رکھے بخار میں پھک رہا تھا۔مجھے عجیب النسا کی آنکھیں کبھی نہیں بھول سکتیں جو لفافے پر لکھائی دیکھتے ہی لہلہلا اٹھی تھیں۔پر جیسے جیسے وہ سطر در سطر خط میں اترتی گئیں ، چہرہ بھی پیاسی زمین سا چٹختا چلا گیا۔

اب جب کہ عجیب النسا مرچکی ہیں تو بتانے میں کوئی حرج نہیں کہ اس دن جب وہ کمرے سے باہر آرام کرسی پر بیٹھی دھوپ سینک رہی تھیں تو میں نے وہ خط ان کے تکیے کے نیچے سے نکال کر بڑی مشکل سے ہجے کر کر کے اتنا ضرور سمجھ لیا جتنا ایک چھ ساڑھے چھ سال کا چوری پکڑے جانے کے خوف سے گھبرایا بچہ سمجھ سکتا ہے۔اسلام آباد ، اسکیل اٹھارہ، نوشین، شادی، بابا، فیکٹری، عمرہ، بہت مصروف ہوں ، بچہ کس کا ہے ؟؟ بس خط کی یہی کچھ باتیں مجھے یاد ہیں۔اگلے دن جب عجیب النسا کمرے سے باہر بیٹھی حسبِ معمول دھوپ سینک رہی تھیں تو میں نے پورا خط تسلی سے پڑھنے کے لیے دوبارہ ان کے تکیے کے نیچے ہاتھ مارا مگر وہ وہاں نہیں تھا۔

ارے کہیں آپ یہ تو نہیں سمجھ رہے کہ عجیب النسا سے میرا کوئی براہ راست رشتہ ہے ؟؟؟ نہیں نئیں نئیں۔۔۔حسن سپروائزر کو بھی بس اتنا معلوم ہے کہ مجھے کوئی باہر رکھے پنگھوڑے میں منہ اندھیرے ڈال گیا تھا اور عجیب النسا نے یہ کہہ کر میرا چھوٹا سا بستر اپنے کمرے میں لگوا لیا کہ دل بہلا رہے گا۔

وہ بتاتی رہتی تھیں کہ جب میں بولنے کے قابل ہوا تو اپنے ننھے ننھے پیروں سے سے ان کا چہرہ ٹٹولتے ہوئے کہتا تھا ادیب ان نت آ۔۔۔۔ اور وہ مجھ سے بار بار کہلواتی تھیں ادیب ان نت آ۔۔۔۔انھیں یہ اتنا اچھا لگا کہ جب تک زندہ رہیں ان کا پورا نام لیتا رہا۔ ایک میں ہی تو تھا ان کا پورا نام لینے والا۔۔۔۔۔

ہوش سنبھالنے کے بعد کی جو چند یادیں کچھ کچھ ذہن میں اٹکی ہوئی ہیں ان میں سے ایک یہ بھی ہے کہ ہر دو تین مہینے بعد عجیب النسا صبح ہی صبح کمرے کی الماری میں سے کچھ کاغذ نکالتیں اور پھر میرا ہاتھ پکڑ کے کہتیں چل سرٹیفکیٹ تڑوا لیں۔ پھر ہم دونوں رکشے میں بیٹھ کر ایک دفتر میں جاتے اور ان سرٹیفکیٹوں کے بدلے نوٹوں کی ایک گڈی مل جاتی۔( نہ انھوں نے کبھی بتایا نہ میں نے پوچھا کہ ان سرٹیفکیٹوں کا پس منظر کیا ہے )۔

ہر دفعہ عجیب النسا کو سرٹیفکیٹ والے دفتر میں کوئی نہ کوئی جاننے والی مل ہی جاتی اور وہ اس کے کسی بھی غیر متوقع سوال سے پہلے ہی احتیاطاً شروع ہوجاتیں کہ یہ میرا سب سے چھوٹا بیٹا ہے ذوالفقار احمد خان۔ذہانت میں ماشاللہ بالکل اپنے نانا مولوی صاحب ذوالفقار احمد خان سری کوٹی پر گیا ہے۔اس دفتر سے ہم دونوں سیدھے میری نرسری جاتے اور نرسری کا کلرک نوٹوں کی تقریباً آدھی گڈی الگ کرکے رسید کاٹ دیتا۔

میں نے عجیب النسا کے پاس رہتے رہتے ایک روز ایم ایس کمپیوٹر سائنس بھی ( اول پوزیشن ) کرلیا اور آج ایک ملٹی نیشنل میں سادرن ریجن کا ڈائریکٹر ٹیکنیکل ڈویژن ہوں۔جس دن نوکری ملی عجیب النسا نے تقریباً دھکے ہی دے کر اپنے کمرے سے نکال دیا۔

’’ اب تو یہاں سے جا اور اس گھر میں جا کے رہ جو کمپنی نے تجھے دیا ہے‘‘۔

مگر آپ ؟

’’خبردار جو آگے ایک لفظ بھی کہا۔بس یہی میرا آخری گھر ہے اور مٹی بھی یہیں سے اٹھے گی‘‘۔

مگر میں نے عجیب النسا کو بڑی مشکل سے موبائل فون رکھنے پر آمادہ کر لیا۔ ماتھا چومتے وقت پتلیاں گھماتے ہوئے کہنے لگیں تجھے میری اتنی فکر کیوں رہتی ہے ؟ یہ کوئی اچھی بات تو نہیں۔کل کو تیرے جورو بچے بھی ہوں گے، ان کی فکر کرنا سیکھ۔

دفتر سے گھر واپسی پر جب بھی ان کے پاس سے ہو کر جاتا تو کہتیں تیرے پاس دنیا میں اور کوئی کام نہیں کیا جو روزانہ مجھے دیکھنے چلا آتا ہے۔ یہ بھانڈا تو بہت بعدمیں حسن سپروائزر نے پھوڑا کہ عجیب النسا تمہارے لائے کپڑے جوتے تمہارے جاتے ہی الماری سے نکال فوراً ساتھ کی عورتوں میں تقسیم کر دیتی ہیں مگر تازہ انگریزی ناول اور پھول اپنے کنے ہی رکھتی ہیں۔

یہ سب اپنی جگہ مگر میں بہرحال مطمئن ہوں کہ عجیب النسا بنا محتاج ہوئے مرگئیں۔ اب اس دنیا میں کوئی نہیں جو جائے نماز کا کونہ موڑتے موڑتے میرے گال کھینچتا ہوا یہ دعائیہ طعنہ دے سکے کہ ،

خدایا ! حلالیوں کی ستائی ہر ماں کو ایسا حرامی بھی عطا فرما۔آمین۔

وسعت اللہ خان
بشکریہ روزنامہ "ایکسپریس"

جیو اور جنگ کی مینجمنٹ اور اس سے منسلک اپنے آپ کو اعلیٰ درجے کا دانشور سمجھنے والے چند مخصوص اینکرز اور تجزیہ نگار حضرات اپنے ساتھ ہونیوالے شدید عوامی ردعمل اور برتاؤ پر گریہ، آہ و بکا اور غیر مدلل چیخ و پکار کرنے کے بجائے ’’میڈیا کی آزادی اور باخبر ذرایع‘‘ جیسے استثنا اور استحقاق لیے ہوئے لفظوں کی آر میں ماضی بعید اور ماضی قریب مین معزز اشخاص اور اداروں کو رسوا اور بے عزت کرنیوالے رویے کا ادراک کریں اور احساس کریں کہ کس طرح ان کی غفلت اور غیر ذمے دارانہ تجزیاتی انداز نے صرف الزامات اور اپنی ذاتی پسند و ناپسند کے معیار پر قائم متعصبانہ Perception کے ہتھیار سے کتنے لوگوں کے عزت و وقار کو مجروح کیا۔ کتنے لوگوں کو ان کے جرم ثابت کیے بغیر قوم کے سامنے مجرم بناکر پیش کردیا۔

اسی کا شہر، وہی مدعی وہی منصف

ہمیں یقین تھا ہمارا قصور نکلے گا

دولت، شہرت اور فرمانبردار افرادی قوت کا ہمیشہ سے ہی یہ خاصا رہا ہے کہ یہ جب کسی ادارے کو حاصل ہو جائے تو وہ اس زعم میں مبتلا ہوجاتا ہے کہ ’’وہ اب سب کچھ کرسکتا ہے‘‘ مگر نہیں ایسا کچھ نہیں ہوتا چونکہ ایک انسان دولت، شہرت اور افرادی قوت کی بنیاد پر ’’بہت کچھ کرسکتا ہے مگر سب کچھ نہیں کرسکتا۔‘‘اپنے اوپر لگنے والے الزامات کا رونا رونے کے بجائے اپنی غلطیوں کا صدق دل اور کھلے ذہن سے تجزیہ کیجیے پچھلے دس بارہ سالوں میں اپنائی جانیوالی روش کا جائزہ لیجیے۔سب سے پہلے اس بات کا جائزہ لیجیے کہ پیپلز پارٹی کے ساتھ ادارے کا رویہ انتہائی متعصبانہ نہیں رہا؟ حزب اختلاف کا دور ہو یا حزب اقتدار کا دور ملک کی سب سے بڑی پارٹی کی کردار کشی کرنے اسے رسوا کرنے اور اسے بدنام کرنے کی باقاعدہ عملی اور ابلاغی جدوجہد نہیں کی گئی؟

کیا محترمہ بے نظیر بھٹو جیسی عظیم قائد اور ان کے شوہر سابق صدر آصف علی زرداری کو بغیر کسی ثبوت کے ایک بدعنوان ترین شخص بناکر پیش کرنے کی کوشش نہیں کی گئی؟ کیا بالواسطہ طور پر انھیں میر مرتضیٰ بھٹو کے قتل کی سازش میں شامل کرنے کی کوششوں کو تقویت دینے اور اس الزام کو ہوا دے کر عوام میں انھیں غیر مقبول بنانے کی مبالغہ آرائی نہیں کی گئی؟کیا میمو گیٹ کے معاملے پرسابق صدر آصف علی زرداری کو ’’غدار‘‘ قرار دلوانے کی شعوری کوشش نہیں کی، کیا منصور اعجاز کو ہر قیمت پر پاکستان آکر گواہی اور ثبوت فراہم کرنے کی یقین دہانیوں کی بھرپور کمپین نہیں چلائی گئی؟

19 جون 2012 کو اس وقت کے چیف جسٹس آف سپریم کورٹ کو بار بار یہ بات یاد نہیں دلوائی گئی کہ کروڑوں ووٹوں سے منتخب شدہ وزیر اعظم نے آپ کی توہین کی ہے اور اب ہر صورت انھیں توہین عدالت کا مجرم قرار دے کر عدالت عالیہ کا وقار بلند کیا جائے کیا یہ مقصد حاصل کرنے میں کامیاب نہیں ہوا؟ کیا اس ادارے نے کبھی اپنے اس انتہائی غیر ذمے دارانہ رویے اور برتاؤ کا تجزیہ کیا جس نے پیپلز پارٹی سے وابستہ کروڑوں افراد کے دلوں کو زخمی کردیا۔ کیا پیپلز پارٹی کے پانچ سالہ دور حکومت جو ایک عظیم لیڈر کی شہادت کے نتیجے میں انھیں ملا تھا کیا۔کیا پچھلے پانچ سالوں میں کوئی ایک بھی تجزیاتی پروگرام ٹیلی کاسٹ کیا گیا جس میں پیپلز پارٹی کے عوامی بھلائی سے متعلق کسی اقدام یا کسی مثبت پہلو کو اجاگر کرنے کی خفیف سی کوشش کی ہو؟

ارسلان افتخار کے معاملے پر اپنا سارا وزن چیف جسٹس آف پاکستان کے پلڑے میں نہیں ڈالا؟

پاکستان کے سب سے بڑے میڈیا گروپ ہونے کا اعزاز رکھنے کے باوجود ملکی تحفظ کے سب سے اعلیٰ ادارے کے خلاف ایسے بے بنیاد الزامات عائد کردیے جن الزامات کو عائد کرنے سے پہلے ہماری سالمیت کے دشمن بھی دس بار سوچتے ہیں۔ مگر افسوس صد افسوس کہ ایسے الزام عائد کرکے دشمن کے ایجنڈے کی تکمیل کردی اور ہماری انتہائی مشکل ترین حالات سے نبرد آزما پاکستان کی بقا کی جنگ میں مصروف عظیم فوج کو مزید مشکلات سے دوچار کردیا۔ عقل، دانش اور فہم مشکل حالات کو صبر حوصلے اور قربانی کے ساتھ نمٹنے کا سبق دیتی ہے۔

گواہ اور ثبوت کے بغیر الزام محض الزام رہتا ہے جو ہمیشہ الزام لگانے والے کے لیے رسوائی اور پریشانی کا باعث بنتا ہے۔ معلومات سے متعلقہ ذمے دار ادارے ’’افواہ‘‘ کو کبھی بھی ’’خبر‘‘ کا درجہ دینے سے گریز کرتے ہیں۔ تدبر، فہم و فراست اور حقیقت کے متلاشی صاحب قلم لوگ ریٹنگ بڑھانے کے مقصد کے حصول کی خاطر اپنے قلم کی حرمت کو پامال نہیں ہونے دیتے وہ مبینہ سے ’’مصدقہ‘‘ کا کٹھن سفر طے کرکے ہی اپنے ملک و قوم کو حقیقت اور سچائی سے آشنا کرنے کا عظیم کام کرتے ہیں۔ ملک و قوم کی بقا اور ان کی فلاح اور بہبود کے لیے قائم کیے گئے آئینی اداروں کا نہ صرف تحفظ کرتے ہیں بلکہ ان کی آبیاری اور نشو و نما میں اپنی دانش اور شعور کو استعمال کرکے اپنا قومی فریضہ نبھاتے ہیں۔

میری دانست میں مصلحت حالات کا تقاضا ہے کہ ماضی میں کی ہوئی مجرمانہ انداز فکر سے دست بردار ہوکر قوم سے اور ملک کے جغرافیے کی حفاظت پر معمور قوم کے ان عظیم سپوتوں سے اپنی غلطیوں پر غیر مشروط معافی مانگی جائے اور اپنی ذہنی اور ابلاغی صلاحیتوں کو پاکستانی فوج کے امیج اور حوصلوں کو بڑھانے کے لیے استعمال کیا جائے۔ ان کے موقف کو سپورٹ کیا جائے اور قوم کو ان کے مسائل پر تنقید اور صرف تنقید کے بجائے ان کے مسائل کو حل کرنے کی تدابیر بتائی جائیں تاکہ قوم مایوسی کے اندھیروں سے نکل سکے۔

یاد کریں وہ وقت جب جنرل پرویز مشرف کے دور میں آپ کے ادارے کو بند کرنے کی کوشش کی گئی تو پوری پاکستانی قوم آپ کے ساتھ کھڑی تھی۔ اور وقت کی ستم ظریفی دیکھیے کہ آج پوری قوم آپ کے اس ادارے کا بائی کاٹ کرکے ایسے بند کرنے کی خواہاں ہے۔ اب حکومت وقت کے سایہ تلے کسی ریلیف کی کوشش کرنے کے بجائے قوم سے معافی مانگیں اور اپنی پرانی مغرورانہ، ’’اور ہم سے بہتر کوئی نہیں‘‘ کے خود ساختہ اور پرفریب تصور سے باہر نکلیں۔ اور عوام کو اپنا ہم نوا بنائیں چونکہ جن لوگوں کے ساتھ قوم کھڑی ہو وہ ادارے نہ کبھی بند ہوتے ہیں اور نہ ہی کبھی ختم ہوتے ہیں ’’امن کی آشا‘‘ جیسے پروگرام ان ملکوں کے ساتھ کامیابی سے ہمکنار نہیں ہوسکتے جو ہمیں مستقبل میں ’’پیاسا‘‘ اور ’’بھوکوں‘‘ مارنے کی حکمت عملی پر عمل پیرا ہوں۔

تجویز:- اداروں میں ایک دوسرے سے سیکھنے کا عمل قوم کے لیے ہمیشہ سود مند رہتا ہے مشورہ ہے کہ ’’ایکسپریس ٹی وی چینل‘‘ پر موجود جاوید چوہدری ، معید پیرزادہ ، ایاز خان جیسے فہم و فراست کے مالک اینکر حضرات سے ’’ٹی وی ٹاک شوز‘‘ کو نشر کرنے کے سلیقے سیکھیے تاکہ مستقبل میں آپ کے ادارے کو ایسی صورت حال کا سامنا نہ کرنا پڑے۔ میری اس رائے کو منفی نہیں مثبت انداز میں لیجیے گا۔

آئی ایچ سید  

امن کی آشا والے متوالے دانشور اور کاروبار کی آشا والے بے تاب حکمران شاید میری بات پسند نہ کریں (مگر اس سے فرق بھی کیا پڑتا ہے) کہ برصغیر پاک و ہند صرف نصف صدی کا جداگانہ راستہ طے کرنے کے بعد ایک بار پھر اسی پرانی دنیا کے خطرناک حالات میں لوٹ آنے پر مجبور ہو گئے ہیں جس کو مسترد کر کے انھوں نے الگ الگ دنیائیں بسا لی تھیں۔ بھارت کے الیکشن نے اس صورت حال کو یکسر بدلا ہے۔ یہ الیکشن ہندو مسلم دو قوموں کے درمیان الیکشن بن گئے۔

ایک مسلمان جو بھارت میں موجود ہیں دوسرے ہندو جو بھارت کو صرف ہندو ملک ہی سمجھتے ہیں۔ ان فیصلہ کن انتخابات کے نتائج رفتہ رفتہ برآمد ہوں گے اور جس قدر عجلت کے ساتھ ہم نے بھارت کو مبارکباد دی ہے اس سے کچھ اندیشے پیدا ہوئے ہیں۔ اگر پاکستان موجود نہ ہوتا تو ہم حالات کی سنگینی کا تصور بھی نہیں کرسکتے تھے۔ پورے بھارت میں مسلمانوں کا وہی حال ہوتا جو وزیر اعظم مودی کی وزارت اعلیٰ میں گجرات کے مسلمانوں کا ہوا تھا یعنی قتل عام اور پاکستان میں موجود مسلمان بھارتی دھمکیوں کی زد میں ہوتے۔

ہمارے بزرگ رہنمائوں کو القاء ہوا تھا کہ انھوں نے برصغیر کے مسلمانوں کے تحفظ کے لیے ایک الگ ملک بنا لیا اور یہ القاء یا الہام تھا کہ مسلمانوں نے اپنے تحفظ کے لیے ایٹم بم بنا لیا تھا اور دنیا کی ایک زبردست فوج تیار کر لی تھی جس پر بھارتی الیکشن کے ساتھ ہی حملے شروع کر دیئے گئے۔ ہماری فوج کے بازوئے شمشیر زن کو رسوا کرنے کی بھر پور کوشش کی گئی۔ وہ تو ہم پاکستانیوں نے تمام کوشش رد کر دی ورنہ ہمارے دشمنوں کے آلہ کار نے تو کوئی کسر نہیں چھوڑی تھی۔

بھارت پاکستان کے مقابلے میں ایک بہت بڑا ملک ہے۔ رقبے اور آبادی دونوں لحاظ سے۔ خبریں بتاتی ہیں کہ اس نے اسلحہ کے انبار جمع کر رکھے ہیں اور اسلحہ کا دنیا کا سب سے بڑا خریدار ہے۔ بظاہر اس کے دشمن ہیں ایک عوامی جمہوریہ چین دوسرا اسلامی جمہوریہ پاکستان۔ بھارت کے اسلحہ کے یہ ذخیرے چین کے لیے بے معنی ہیں۔ قطع نظر پرانی دیوار چین کے جو اب صرف تاریخی عجوبہ بن کر رہ گئی ہے چین کو تو یہاں ہمالیہ کی صورت میں ایک اور حفاظتی دیوار بھی میسر ہے جو اس کو بھارت جیسے دشمنوں سے بچاتی ہے۔

ویسے بدنیت ہندوستان نے چین کے ساتھ کئی بار چھیڑ چھاڑ کرنے کی کوشش کی لیکن ہر بارے اسے منہ کی کھانی پڑی جس کے نتیجے میں اسے اپنی فوج میں کئی تبدیلیاں اور نئی فوج کھڑی کرنی پڑی مگر بھارت کی شکست کے باوجود چینی اس سے غافل نہیں ہیں کیونکہ بھارت کے ہندو پر اعتماد نہیں کیا جا سکتا۔ صرف اپنی طاقت اور مزاحمتی استعداد پر اعتماد کیا جا سکتا ہے۔ ان لاکھوں جھونپڑیوں سے قطع نظر کرکے جو بھارت کی عام آبادی خصوصاً بڑے شہروں میں موجود ہیں اور مہان بھارت کا منہ چڑاتی ہیں بھارت بنیادی طور پر ایک کمزور ملک ہے۔ بقول اندرا کے ہزار سالہ مسلمانوں کی غلامی کی وجہ سے بھارتیوں کے دلوں میں ابھی تک مسلمانوں کا خوف نہیں گیا۔

بھارتی مسلمانوں کو ابھی تک اپنے سے زیادہ طاقت ور سمجھتے ہیں جن کو ختم کرنے کی وہ مسلسل کوشش میں رہتے ہیں۔ فلموں تک میں وہ اپنے ہیرو کو بے پناہ طاقت کا حامل بناتے ہیں اور مسلمانوں کے خلاف ان کی مستقل جارحیت کی اصل وجہ مسلمانوں کا خوف ہے۔ میں یہاں تاجر اور دانشور پاکستانیوں کا ذکر نہیں کرتا جس کے لیے میں کسی الگ مضمون میں ذکر کروں گا جو محض روپے پیسے کے لیے بھارت کو پسند کرتے ہیں۔ ان صاحب ایمان اور سچے پاکستانیوں کا ذکر کرتا ہوں جن کی زندگیاں جہاد سے عبارت ہیں اور یہ جہاد محض میدان جنگ میں ہی نہیں ہوتا پوری زندگی کے ہر شعبے میں ایک مسلمان جہاد کے جذبے سے شریک رہتا ہے۔

علم حاصل کرنا بھی جہاد میں شمار کیا گیا ہے۔ برطانوی دور کے ایسے لاتعداد واقعات ملتے ہیں جب جہاد کو ختم کرنے کی کوشش کی گئی۔ آج بھی دنیا بھر میں مسلمانوں کو جہادی سمجھا جاتا ہے جس کا مطلب ہے کہ وہ اپنے مقاصد کے لیے جان تک دے سکتے ہیں۔ یہ تاریخ کی ایک الگ بحث ہے کہ افغانستان میں روسی افواج کو اسی جہاد کے جذبے نے رسوا کیا تھا جس کو کسی گولی سے ختم نہیں کیا جا سکتا اور نہ ہی کوئی ایسا بارود ایجاد ہوا ہے جو کسی جہادی کے ایمان کو شکست دے سکے۔ امریکی کہتے ہیں کہ پاکستانی چالیس پچاس سال کی عمر کے بعد بدل جاتا ہے اور کچھ بھی کر سکتا ہے۔

مقصد یہ بیان کرنا ہے کہ اب ایک بار پھر ہماری زندگی میں تحریک پاکستان جنم لے رہی ہے اور تحریک کا یہ دور ویسے ہی حالات کا تقاضا ہے جو قیام پاکستان سے پہلے موجود تھے اور جس کی شدت نے ایک تحریک پیدا کی تھی جو کامیابی سے ہمکنار ہوئی۔ لیکن کیا آج ہمارے پاس وہ قائدین موجود ہیں جو تحریک پاکستان کے روح رواں اور رہنما تھے۔ مجھے تو اپنی آج کی دنیا بدلی ہوئی دکھائی دیتی ہے اور خوفزدہ ہوں کہ ہم کسی آزمائش کے اہل نہیں رہے۔ بھارتیوں کے دل کمزور ہوں یا طاقت ور انھوں نے اپنی کمزوریوں پر قابو پانے کے لیے اسلحہ کے انبار لگا رکھے ہیں اور اسے ہی وہ اپنی طاقت سمجھ رہے ہیں اور وہ غلط نہیں ہیں لیکن سوال یہ ہے کہ ان کے مقابلے کے لیے ہمارے پاس کیا ہے۔

آج کی جنگوں میں اسلحہ بڑا اہم سمجھا جاتا ہے لیکن میری معلومات کے مطابق ہمارے پاس بھارت جتنا اسلحہ نہیں لیکن ہماری ضرورت سے کم بھی نہیں ہے۔ بھارت کو خوب پتہ ہے کہ ہمارے پاس کیا ہے اور کیا نہیں ہے۔ ہماری کمزوری صرف بھارت میں مقیم مسلمان ہیں جن کا تحفظ ہمارے ذمہ ہے لیکن یہ بدلے ہوئے حالات سے بھارتی مسلمان بھی اپنی پالیسی بدل رہے ہیں اور اب یہ پاکستان کا فرض ہے کہ بھارتی مسلمانوں کو تحفظ کا راستہ دکھلائے لیکن مودی صاحب سمجھ لیں کہ اب گجرات گجرات نہیں بنے گا۔ کیا ہمارے حکمران بھارتی مسلمانوں کے تحفظ کے لیے تیار ہیں۔

عبدالقادر حسن

عالمی جنگ شروع ہونے سے قبل متحاربین کے مابین معاہدوں کی ابتدا 1894 سے 1907 تک ہونے اور 28 جولائی 1914 کو جنگ کی ابتدا سے لے کر مارچ 1917 تک امریکا اپنے نیوٹرل ہونے کا تاثر متحارب ملکوں پر قائم کرنے میں کامیاب رہا تھا۔

اس عرصے کے دوران تمام یورپی ممالک۔ 1۔کرنسی ایکسچینج بحران۔ 2۔ایک دوسرے سے تجارت کی بندش۔ 3۔ سونے کے معیار سے تمام ممالک کا ہٹ جانا۔ 4۔ سفارتی تعلقات کا ختم ہوجانا۔ 5۔ ہر ملک کا دفاعی بجٹ بڑھتا گیا، جس سے ملکی معیشت پر غیر پیداواری اخراجاتی بوجھ میں اضافہ ہوتا چلا گیا۔اس کے نتیجے میں اشیاء کے مقابلے میں مقامی کرنسی کی قیمتیں گرتی چلی گئیں، یعنی مہنگائی بڑھتی گئی۔ 6۔ امریکا کسی بھی معاہدے میں شریک نہیں ہوا تھا اور مارچ 1917 تک جنگ سے بھی الگ رہا تھا۔ یورپی ملکوں نے امریکا کو Safe Haven Gold Country کے طور پر دیکھ کر اپنا اپنا سونا امریکی بینکوں میں Deposit یا اپنے کھاتوں میں رکھنا شروع کردیا تھا۔ کتاب ’’یورپی کرنسی اینڈ فنانس‘‘ 1925 امریکا، کے حصہ دوم، صفحہ 5 پر دیے گئے امریکی گولڈ تجارت کے اعداد و شمار کے مطابق 1912 کو امریکا نے 19.123 ملین ڈالر کا سر پلس گولڈ امپورٹ کیا اور پھر 1913 میں جنگی تیاریوں اور 1914 میں جنگ کے شروع ہوجانے کے بعد متحارب ملکوں نے ٹوٹل 14.418 ملین ڈالر کا سونا امریکا سے نکال لیا تھا۔ اس کے بعد امریکا نے مالیاتی پالیسی تبدیل کرلی تھی۔

امریکا نے اشیا کے بدلے وہ سونا لینا شروع کردیا جو امریکی بینکوں میں متحارب ملکوں نے ڈپازٹ رکھا ہوا تھا اور جن ملکوں کا سونا موجود نہیں تھا، ان ملکوں سے اشیا اور کاغذی ڈالروں کے عوض سونا وصول کرنا شروع کردیا تھا۔ یاد رہے کہ امریکا اپنے گولڈ اسٹینڈرڈ 1837 پر ابھی تک کھڑا تھا۔ یعنی 20.67 ڈالر ایک اونس فائن سونے کے بدلے ڈالر ادا کر رہا تھا۔ اس طرح امریکا کاغذی ڈالروں کو یورپی معیشت میں ’’یورپی کرنسی ایکسچینج بحران‘‘ کے دوران داخل کرنے میں کامیاب ہوتا گیا۔ جب امریکا اپریل 1917 کو جنگ میں شریک ہوگیا تو امریکی غیر جانب داری کا بھرم ٹوٹ جانے سے یورپی ملکوں کا امریکا پر سونے کی ادائیگی کے لیے دباؤ بڑھتا گیا۔ امریکا نے اس دباؤ کو روکنے کے لیے 7 ستمبر 1917 سے 30 جون 1919 تک غیر ملکی ڈپازٹ سونے کے نکالنے پر پابندی لگا دی تھی۔

کتاب ’’یورپین کرنسی اینڈ فنانس‘‘ حصہ دوم کے صفحے 7 پر امریکا اشیا کے تجارتی اعداد و شمار کے مطابق 1914 سے 1925 تک 22894.347 ملین ڈالر کی امریکا نے اشیا ایکسپورٹ کی تھیں۔ کتاب International Currency Experience by League of Nations 1944 پر درج ہے کہ 1913 میں امریکا کے پاس گولڈ ریزرو 12900.0 ملین ڈالر تھا۔ دوسرے 17 بڑے نوآبادیاں رکھنے والے ممالک کے پاس 3145.0 ملین ڈالر گولڈ ریزرو تھا۔ اس طرح امریکا ان ملکوں سے 144 فیصد گولڈ ملین ڈالر ریزروز پیچھے تھا۔ کتاب ’’یورپین کرنسی اینڈ فنانس‘‘ امریکا 1925 کے حصہ اول کے صفحے 17 کے حاشیے میں لکھا ہے کہ جنوری 1925 کو امریکا کے پاس گولڈ 4547.407 ملین ڈالر ریزرو تھا۔ اور تجارتی اشیا کے عوض امریکا نے جنوری 1925 کو 22894.347 ملین ڈالر گولڈ حاصل کیا۔

کیونکہ یورپی ملکوں میں ’’کرنسی ایکسچینج بحران‘‘ تھا۔ اور ڈالر اتنی زیادہ مقدار میں یورپ میں گردش نہیں کر رہے تھے۔ اگر امریکا کاغذی ڈالر ایکسپورٹ بھی کر رہا تھا تو اس کے بدلے اشیا یا سونا لے رہا تھا۔ اس طرح گولڈ ریزرو ملین ڈالر اور تجارتی اشیا کے ملین ڈالر کا ٹوٹل 27441.754 ملین ڈالر گولڈ ہوتا ہے۔ کتاب ’’انٹرنیشنل کرنسی ایکسپیرینس‘‘ جسے لیگ آف نیشنز نے 1944 میں شایع کیا اس کے صفحے 235 پر 24 ملکوں کے پاس 1925 میں 2367.0 ملین ڈالرز گوڈ ریزرو تھا۔ امریکا دوسرے ملکوں سے 1913 میں 144 فیصد پیچھے تھا اور 1925 میں امریکا گولڈ ریزرو ملین ڈالر 1059 فیصد24 ملکوں سے آگے آچکا تھا۔

امریکا نے جنگ زدہ، تباہ حال یورپی ملکوں کی مجبوریوں، کمزوریوں کا بھرپور فائدہ اٹھایا۔ کتاب The Course and Phases of the world Economic Depression by League of Nations Geneva 1931 کے صفحے 319 پر دیے گئے اعداد و شمار کے مطابق امریکا نے 1920 سے 1930 تک یورپی ملکوں کو 9 ارب 70 کروڑ 40 لاکھ کاغذی ڈالر ایکسپورٹ کیے تھے۔ کتاب ’’یورپین کرنسی اینڈ فنانس‘‘ حصہ دوم کے صفحے 92 پر لکھا ہے “The allied Countries protected there exchange in the united states. before the united states interred the war they sent gold to New York, and obtained dollar loan through American Banking houses.”

کتاب ’’یورپین کرنسی اینڈ فنانس‘‘ حصہ دوم کے صفحے 95 پر درج ہے۔ ڈنمارک نے جولائی 1923 کو 35 لاکھ ڈالر کا سونا امریکا بھیجا کہ ڈنمارک کی کرنسی Krone کرونی کی قیمت کو ڈالر کے مقابلے میں گرنے سے روکا جائے۔

متذکرہ کتاب کے صفحے 287 پر لکھا ہے۔ “The Swiss Government in August, 1923 placed a loan in New York for 20.0 million dollar in an effort to support the Swiss France”

اس کے بعد پھر سوئٹزر لینڈ کی حکومت نے اپریل 1924 کو امریکا سے 3 کروڑ ڈالر کا قرضہ لیا۔ متذکرہ کتاب کے صفحے 3 پر لکھا ہے۔

“Italy in June 1925 establised a credit of 50.0 million dollar in New York for the purpose of stabilizing the Lira.”

“Belgium also in June 1925 borrowed a similar amount in United States part of which money is to be used to maintain the Stability of Belgium France”

اس طرح بیلجیم نے 1920 سے 1922 تک 595.899 ملین ڈالر کا قرضہ امریکا سے کرنسی فرانک کی قیمت کو ڈالر کے مقابلے میں گرنے سے روکنے کے لیے کیا۔ ناروے نے 1915 سے 1924 تک امریکا سے 811.356 ملین ڈالر کا قرضہ لیا۔ پولینڈ نے جون 1924 کو امریکا سے 725.2 ملین ڈالر کا قرضہ لیا۔ کتاب “A Revision of the Treaty” Being a Sequel to the Economic Consequence of the pace” by J.M Keynes 1922 کے صفحے 219 پر درج ہے کہ جولائی1921 کو امریکا نے 19 یورپی ملکوں کو 11 ارب 8 کروڑ 47 لاکھ 67 ہزار 5 سو 75 ڈالر کا قرضہ دیا۔

اس میں سے امریکا نے ’’لبرٹی لون ایکٹ‘‘ کے تحت 9 ارب 43 کروڑ 52 لاکھ 25 ہزار 3 سو 29 ڈالر نقد کرنسی ان ملکوں کو دی تھی۔ کتاب International Economy 1963. by John Parke Young کے صفحے 543-44 پر درج ہے کہ امریکا نے پہلی عالمی جنگ کے دوران اور بعد میں جن ملکوں کو قرضے دیے تھے۔ ان قرضوں پر امریکا نے جون 1931 کو 2 ارب 80 کروڑ ڈالر سود اور اصل زر کی مد میں وصول کیے تھے۔ کتاب ’’یورپین کرنسی اینڈ فنانس‘‘ 1925 جسے امریکی حکومت نے شایع کیا۔

حصہ دوم کے صفحے 95 پر درج ہے امریکا نے 15 دسمبر 1923 کو Exchange Equalization Fund EEE قائم کیا۔ دراصل یہ ادارہ موجودہ آئی ایم ایف تھا جسے 91 سال قبل بنایا گیا تھا۔ یہ ادارہ ضرورت مند ملکوں کو فارن ایکسچینج ریزرو ڈالر فروخت کرتا تھا۔ ملکوں سے سونا یا دیگر ضمانتیں لیتا تھا۔ ملکوں کو مہنگے قرضے دے کر اپنی شرائط منواتا تھا۔ دسمبر 1923 کے بعد امریکی مالیاتی غیر ملکی تمام آپریشن کرنے کے ساتھ یورپی ملکوں کی کرنسیوں کی قیمتوں میں جوڑ توڑ کرتا تھا۔

پاکستان میں سب سے بڑا نجی میڈیا گروپ مزید مشکلات میں گھر گیا ہے۔ وفاقی دارالحکومت کے مارگلہ تھانے میں جیو اور اس کے سربراہ میر شکیل الرحمان کے خلاف عدالتی حکم پر ہفتے کے روز مقدمہ درج کر دیا گیا ہے۔ دوسری جانب جیو سے وابستہ صحافی نجم سیٹھی کو پاکستان کرکٹ بورڈ کی سربراہی سے ہٹا کر ایک مرتبہ پھر ذکاء اشرف باجوہ کو سربراہ مقرر کر دیا ہے۔ جبکہ پاکستان تحریک انصاف کے سربراہ عمران خان نے پچھلے کئی دنوں سے جیو گروپ اور اس کے مالک کیخلاف ملک دشمنی کے حوالے سے جاری اپنی مہم کو تیز کر دی ہے۔

عمران خان نے جیو گروپ پر امریکا سمیت غیر ممالک سے ان کا ایجنڈا پورا کرنے کیلیے فنڈز لینے کا الزام عاید کیا ہے اور پریس کانفرنس میں اس سلسلے میں دستاویزات لہراتے ہوئے دعوی کیا ہے ان کے پاس اس بارے میں مکمل شواہد موجود ہیں۔ انہوں نے میر شکیل الرحمان، جیو اور خلیل الرحمان فاونڈیشن کے اثاثہ جات کی تحقیقات کے علاوہ ان کی طرف سے ٹیکسوں کی ادائیگی کی بھی تحقیقات کرانے کیلیے کہا ہے۔

عمران خان نے اپنی جماعت کی کور کمیٹی کو میڈیا گروپ کے بارے میں اعتماد میں لینے کے بعد پریس کانفرنس میں کہا میر خلیل الرحمان فاونڈیشن کے نام سے غیر ملکی فنڈنگ لی جاتی ہے اور بعد ازاں جیو کو رقم منتقل کر دی جاتی ہے۔ انہوں نے الزام لگایا جیو گروپ نے باقاعدہ غیرملکوں میں فنڈنگ کرنے والوں کو ایک پلندہ بنا کر دیا کہ ان کیلیے کیا کیا کر سکتا ہے۔ عمران خان جیو گروپ کی امریکی ادارے وائس آف امریکا کے ساتھ ہونے والی ڈیل پر بات کر رہے تھے۔

انہوں نے برطانیہ سے چھ اعشاریہ نو ملین پاونڈ کی رقم لینے کا حوالہ دیتے ہوئے کہا ''اس معاملے میں برطانوی پارلیمنٹ کے رکن لارڈ نذیر نے بھی تحریک پیش کر رکھی ہے۔ ان کا کہنا تھا کہ جیو اور جنگ کے امن کی آشا منصوبے کیلیے بھی اربوں کی فنڈنگ بیرون ملک سے آئی ہے۔

تحریک انصاف کے سربراہ نے کہا دبئی میں اربوں روپے کے گھر میں رہ کر اور کروڑوں روپے کی گاڑی استعمال کرنے والا شخص ملک پر غیر ملکی ایجنڈا مسلط کر رہا ہے۔ ان کا کہنا تھا ''باہر سے فنڈنگ وہ کرتے ہیں جو ملک کو جنگ میں مبتلا رکھنا چاہتے ہیں۔ عمران خان نے اس موقع پر میر شکیل الرحمان کو مناظرے کا چیلنج بھی دیا۔

پاکستان تحریک انصاف نے مسلم لیگ نواز اور جیو کے مفادات کو ایک قرار دیا اور کہا اسی وجہ سے پی ٹی وی اپنے سپورٹس چینل کے مفادات جیو سپورٹس کیلیے عملا سرنڈر کیے ہوئے ہے۔ واضح رہے ملک میں کیبل آپریٹرز نے بھی جیو کیخلاف بائیکاٹ مہم شروع کر دی ہے۔

پاکستان کے میڈیا ہاؤس جنگ گروپ نے اس کے جیو ٹی وی چینل پر مارننگ شو پر کھڑے ہونے والے تنازعے پر معافی مانگی ہے۔

جنگ گروپ کی جانب مانگی گئی معافی جنگ اخبار کے پورے صفحے پر ’ہم معذرت خواہ ہیں‘ کے نام سے چھپی ہے۔

  اس معذرت میں کہا گیا ہے کہ ’اٹھو جاگو پاکستان‘ میں میزبان ڈاکٹر شائستہ لودھی کی غیر دانستگی میں ہونے والی غلطی کے بعد ادارے کی طرف سے کیے گئے اقدامات کا ذکر کیا گیا ہے۔

اس معذرت میں جید علماء کے تبصرے بھی چھاپے گئے ہیں جن میں کہا گیا ہے کہ غلطی پر معافی مانگ لی گئی ہے اور اس واقعے کی تحقیقات کرانے پر زور دیا گیا ہے۔

جنگ گروپ کی جانب سے یہ معذرت جنگ اخبار کے پانچوں ایڈیشن میں پورے ایک صفحے پر چھاپی گئی ہے۔ تاہم یہ معذرت جنگ گروپ کے انگریزی اخبار دی نیوز میں نہیں چھاپی گئی۔

یاد رہے کہ جیو کے ایک مارننگ شو میں اداکارہ وینا ملک اور ان کے شوہرکی شادی سے متعلق ایک پروگرام کے دوران ایک قوالی پیش کی گئی جس کے بعد مختلف حلقوں کی جانب سے اس بات پر شدید اعتراض کیا گیا کہ برگزیدہ ہستیوں سے منسوب قوالی کو جس طرح شادی سے متعلق پروگرام میں پیش کیا گیا وہ انتہائی غیر مناسب تھا۔

پاکستان الیکٹرانک میڈیا اتھارٹی نے مبینہ طور پر متنازع پروگرام نشر کرنے پر جیو گروپ کے انٹرٹینمنٹ چینل کو شو کاز نوٹس جاری کیا ہے، جبکہ اسلام آباد میں پیمرا کے دفتر کے سامنے مذہبی تنظیموں کے کارکنوں نے جیو کو بند کرنے کے لیے مظاہرے کیے ہیں۔

پاکستان الیکٹرانک میڈیا اتھارٹی یا پیمرا کی طرف سے جمعے کو جاری کیے گئے ایک تحریری بیان کے مطابق پیمرا نے جیوانٹرٹینمٹ چینل پر 14 مئی سنہ 2014 کی صبح مبینہ طور پر متنازع پروگرام نشر کرنے پر جیو کو نوٹس جاری کرتے ہوئے وضاحت طلب کی ہے۔

Bari Imam (1617–1705), or Shah Abdul Latif Kazmi, is the patron saint of Islamabad and the greater Pothohar region.

History

The Shrine

Terrorist Act