سعودی معاشرہ سختی سے اپنی روایات پر پابند رہنے والا ملک ہے لیکن یہ بات بھی عیاں ہے کہ سعودی اعلیٰ ترین جمالیاتی ذوق رکھتے ہیں اوراس معاملے میں ان کی جدت پسندی کسی سے ڈھکی چھپی نہیں۔ یہاں وہ غیر ملکی انتہائی احترام کی نظر سے دیکھے جاتے ہیں جو خود سعودیوں کی روایت پسندی پر کوئی ضرب نہ لگائیں۔ تاہم جدت اور روایت کی کشمکش ریاض شہر میں زیادہ واضح نظر آتی ہے جو مملکت کا دارالحکومت اور سب سے بڑا شہر ہے۔ دیکھا جائے تو یہ شہر نہ صرف شاہی خاندان بلکہ تمام تر سعودی روایات کا مضبوط ترین قلعہ ہے.
سعودی عرب کی تاریخ بنیادی طور پر تین زمانوں میں بیان کی جاتی ہے۔ زمانہ قدیم جس میں قوم عاد و ثمود اور طسم و جد بیس کے قصے ملتے ہیں ۔ یہ زمانہ چھٹی صدی عیسوی تک ہے، اس کے بعد زمانہ جاہلیت یعنی طلوع اسلام سے پہلے تک کا دور جو عرب قبائل کی رنجشوں اور خوںریز لڑائیوں سے پر ہے، جن کے قصوں کو عرب شاعروں نے اپنے قصدوں میں محفوظ کر رکھا ہے۔ اس کے بعد طلوع اسلام کے ساتھ اس علاقے کی جدید تاریخ کا آغاز ہوتا ہے، جو دور جدید تک محیط ہے۔ دلچسپ بات یہ ہے کہ خود جزیرہ نما عرب میں زندگی کے دھارے کا آغاز اسلام کے بعد سے اب تک بڑی حد تک ایک ہی ڈگر پر چلتا رہا۔![]()
